Nisëm mbarë vitin me takimin e parë zyrtar të projektit “Vlerëso-Fuqizo-Vepro: stafe sociale më të fuqizuara përballë shërbimeve të kujdesit social, për fëmijët me AK, në bashkinë Kavajë”.
Ky projekt, do të implementohet nga Qendra Shqiptare për zhvillimin e Familjes për një periudhë rreth 9 muaj në territorin e bashkisë Kavajë me qëllimin: Krijimin e kushteve dhe burimeve të nevojshme në bashkinë Kavajë për të mbështetur dhe për të siguruar që, fëmijët me AK në bashkinë Kavajë, të përfitojnë nga përmirësimi i sistemit të shërbimeve të kujdesit social.
Gjithashtu, projekti fokusohet në fuqizimin e kapaciteteve të strukturave bashkiake për të ngritur dhe ofruar shërbime cilësore të kujdesit social dhe të përshtatura mbi bazën e nevojave specifike të identifikuara.
Dita e parë e takimit u fokusua në prezantimin e projektit, paketave të punës, vendosjen e qellimeve të përbashkëta dhe punës me stafet e sherbimit social te bashkisë Kavajë.
Ky projekt mbështetet nga Programi Rajonal për Demokracinë
Vendore në Ballkanin Perëndimor 2 (ReLOaD2), financuar nga Bashkimi Evropian dhe zbatuar nga UNDP.
English 
Albanian