Për t’ju përgjigjur situatës aktuale, ACFD përmes këtij projekti do të kontribuojë në ripërtëritjen dhe riaktivizmin e të rinjve, duke u fokusuar në krijimin dhe funksionimin e një instrumenti të quajtur Forumi Tematik Rinor. Ky mekanizëm do të nxisë angazhimin aktiv të mbajtësve të të drejtave dhe do të promovojë një mekanizëm pjesëmarrës për të rinjtë e komunitetit në bashkinë Kavajë që do të rrisë përgjegjshmërinë e qeverisjes vendore dhe do të përmirësojë ofrimin lokal të shërbimeve për të rinjtë e përshtatur me nevojat e grupeve të ndryshme, bazuar në moshën, gjininë dhe faktorët e vulnerabilitetit. ACFD propozon përqafimin e parimeve të përfshirjes sociale, luftimin e përjashtimit social dhe promovimin e praktikave pozitive që do të ndahen në nivel lokal, me synimin për të nxitur angazhimin rinor dhe iniciativat bazë dhe për t’i bërë këto iniciativa të vetëqëndrueshme dhe me afat të gjatë.