Panairi i Festës së Verës
- March 14, 2023
Atmosferë e bukur feste i bashkoi qytetarët e Kavajës në panairin e Festës së Verës.
Dje, Kavaja përjetoi një ditë feste ndryshe nga vitet e tjera, ku disa partnerë u bënë bashkë për të bërë të mundur organizimin e këtij eventi, me vëmendjen e vecantë dhe kontributin e bashkisë Kavajë. Qëllimi i këtij aktiviteti ishte që të rinjtë të jenë promotorë të ideve të reja të nismave në komunitetin e Kavajës, ide e cila u mirëprit nga Njësia e Integrimit të BE-së në bashkinë Kavajë dhe Drejtoria e Përgjithshme e Kopshteve.
Rritja e ndërveprimit mes të rinjve dhe fëmijëve të grupmoshave 3 – 6 vjec, forcimi i atashimit mes brezave dhe krijimi i një modeli pozitiv nga të rinjtë të punës vullnetare në komunitetin e Kavajës, u konkretizua dhe finalizua përmes këtij eventi.
“Jam shumë i kënaqur që arritëm të organizonim këtë event të bukur për qytetarët e Kavajës, duke vlerësuar kontributin e partnerëve tanë që na kanë mbështetur, si dhe përgëzojë të rinjtë e Kavajës që janë përfshirë në realizimin e aktivitetit“ – u shpreh kryetari i bashkisë Kavajë, z.Redjan Krali.
Stendat u zbukuruan me motivet e Festës nga fëmijët e kopshteve dhe klasat e parashkollorit të shkollave të bashkisë Kavajë, të punuara bashkarisht me personelin dhe të rinjtë e Forumit Tematik Rinor në Kavajë. 20 të rinj së bashku me fëmijët e 14 kopshteve të Kavajës u përfshinë në këtë nismë. Shumë prindër të fëmijëve u bashkuan vullnetarisht për të ndihmuar gjatë panairit.
Gatimet tradicionale të shumëllojshme të përgatitura me dashuri u ofruan për pjesëmarrësit me një cmim simbolik. Të ardhurat modeste të mbledhura nga kopshtet gjatë panairit, do të shkojnë në përmushjen e mungesave të tyre. Animatorët e ardhur posacërisht në këtë event argëtuan dhe krijuan një atmosferë emocionuese për të gjithë fëmijët e pranishëm në panair, ku përreth 2 orë, dhjetëra fëmijë kënduan, kërcyen dhe u përfshinë në lojëra të ndryshme interaktive.
Mbi 300 qytetare vizituan panairin dhe kaluan një ditë festive në Parkun e qytetit të Kavajës.
Ky aktivitet u zhvillua në kuadër të projektit “Forumi Tematik Rinor – një mjet për të fuqizuar të rinjtë në bashkinë Kavajë, në partneritet me bashkinë Kavajë.
Ky projekt është financuar nga #ReLOaD2 dhe Bashkia e Kavajës
Programi Rajonal për Demokracinë Vendore në Ballkanin Perëndimor (ReLOaD2) financohet nga Bashkimi Evropian dhe zbatohet nga UNDP
![](https://acfd.org.al/wp-content/uploads/2023/06/335888442_122080467490381_7719214762450948641_n-300x225.jpg)
![](https://acfd.org.al/wp-content/uploads/2023/06/335877906_898990558031818_5607862287543309781_n-300x225.jpg)
![](https://acfd.org.al/wp-content/uploads/2023/06/335868291_259141456439870_8493698051340951767_n-300x300.jpg)
![](https://acfd.org.al/wp-content/uploads/2023/06/335868271_702959501578637_9222106880267750719_n-300x225.jpg)
![](https://acfd.org.al/wp-content/uploads/2023/06/335913258_909961163649543_4437628546057969987_n-300x225.jpg)
![](https://acfd.org.al/wp-content/uploads/2023/06/335863494_222109460336866_2592035657661657940_n-225x300.jpg)
![](https://acfd.org.al/wp-content/uploads/2023/06/335877762_2251473641691522_3444486371445272013_n-300x225.jpg)
![](https://acfd.org.al/wp-content/uploads/2023/06/335850864_6093165394142337_736103375273786020_n-300x225.jpg)
![](https://acfd.org.al/wp-content/uploads/2023/06/335596760_167195846176660_6751656473188000135_n-300x225.jpg)
![](https://acfd.org.al/wp-content/uploads/2023/06/335459130_861187138945458_2065990243654626188_n-300x225.jpg)
![](https://acfd.org.al/wp-content/uploads/2023/06/335638109_1856139721425152_5370209811071866795_n-225x300.jpg)
![](https://acfd.org.al/wp-content/uploads/2023/06/335846106_3372202333055899_7391415375959283741_n-300x225.jpg)
![](https://acfd.org.al/wp-content/uploads/2023/06/335905458_543679391242873_3247770787373982176_n-300x169.jpg)
![](https://acfd.org.al/wp-content/uploads/2023/06/335859460_550227707091921_5987575179786829804_n-225x300.jpg)
![](https://acfd.org.al/wp-content/uploads/2023/06/335862090_905204037406302_583894211398242094_n-300x196.jpg)
![](https://acfd.org.al/wp-content/uploads/2023/06/335869176_1402393290326411_52471400637788300_n-300x225.jpg)
![](https://acfd.org.al/wp-content/uploads/2023/06/335638109_756593229171459_9059512827800930436_n-300x169.jpg)