Qëndra Shqiptare për Zhvillimin e Familjes në bashkëpunim me Shkollën 9-vjeçare “Misto Mame” dhe Liceun Artistik “Jordan Misja” në Tiranë organizuan kursin e artit figurativ në orët ekstra-kurikulare.
Qëllimi i këtij kursi ishte asistimi dhe patronazhi nga nxënësit e Liceut Artistik për nxënësit e shkollës 9-vjeçare “Misto mame” me synim zhvillimin e aftësive dhe eksplorimin e ideve dhe mendimeve, mbi lumturinë përmes artit figurativ.
Një grup prej 18 nxënës (13 vajza dhe 5 djem) nga dy shkollat “Misto Mame” dhe “Jordan Misja” u angazhuan në këtë kurs.
Seancat e kursit u zhvilluan nën drejtimin e dy mësuesve mestorë të Liceut Artistik “Jordan Misja” Tiranë përkatësisht z. Emanuel Sali Koko dhe Dr. Blegina Hasko.
Nxënësit u shprehën mjaft të kënaqur nga përfshirja në këtë kurs duke sjell si rezultat realizimin e tablove dhe pikturave plot ide, ngjyra dhe fantazi. Ata mësuan se si të përdorin penelat, aplikacione të ndryshme për të shprehur mendimet dhe emocionet e tyre.
