Të rinjtë e Forumit Tematik Rinor të Kavajës në bashkëpunim me të rinjtë e viteve të para të gjimnazit ‘Aleksandër Moisiu’ dhe klasat e 9-ta në shkollën 9-vjeçare ‘Rilindja’ në Kavajë organizuan nismën komunitare ‘Në ndihmë të grupeve vulnerabël të komunitetit tim‘.
Përmes një fushate promovimi dhe ndërgjegjësimi të rinjtë e forumit u angazhuan gjatë muajit maj dhe mblodhën pako me ndihma për të moshuarit, që jetojnë në shtëpinë e të moshuarve ‘Sefer Dervishi’ në Kavajë. Mbi 30 të rinj kontribuan dhe iu bashkuan kësaj nisme, ku u arritën të mblidheshin veshje të ndryshme.
Të rinjtë e forumit dërguan dhe shpërndanë pakot me ndihma, duke ia dhuruar të moshuarve. Z.Krasniqi, drejtori i institucionit priti të rinjtë, i përgëzoi ata për nismën dhe kontributin e tyre për moshën e tretë, duke theksuar që nisma e të rinjve është një shembull mjaft pozitiv për bashkëmoshatarët e tyre.
Të rinjtë u shprehën të kënaqur që ia arritën të realizonin me sukses nismën e tyre duke shprehur falenderimin për të gjithë bashkëmoshatarët e tyre që ju bashkuan idesë për të kontribuar në ndihmë të grupeve vulnerable të komunitetit të Kavajës.
Nisma komunitare u organizua në kuadër të projektit “Forumi Tematik Rinor – një mjet për të fuqizuar të rinjtë në bashkinë Kavajë” në kuadër të Programit Rajonal mbi Demokracinë Vendore në Ballkanin Perëndimor 2 (ReLOaD2), i cili financohet nga Bashkimi Evropian dhe zbatohet nga Programi i Kombeve të Bashkuara për Zhvillim (UNDP).
![](https://acfd.org.al/wp-content/uploads/2024/06/06-3-1024x1024.jpg)
![](https://acfd.org.al/wp-content/uploads/2024/06/05-3-1024x1024.jpg)
![](https://acfd.org.al/wp-content/uploads/2024/06/04-3-1024x1024.jpg)
![](https://acfd.org.al/wp-content/uploads/2024/06/03-4-1024x1024.jpg)
![](https://acfd.org.al/wp-content/uploads/2024/06/02-4-1024x1024.jpg)
![](https://acfd.org.al/wp-content/uploads/2024/06/01-4-1024x1024.jpg)
![](https://acfd.org.al/wp-content/uploads/2024/06/07-3-1024x1024.jpg)