Në datën 15 Qershor patëm kenaqësinë e veçantë të ishim mes nxenesve të klasave të 9-ta, të shkollës “7 Marsi” në Tiranë. Takimi u zhvillua pranë qendrës Komunitare Multifuksionale në varësi të bashkisë Tiranë.
Trajtimi i vetes me dashuri dhe respekt, krijimi i një figure femërore dinjitoze, vendosja e kufijeve dhe përjetimi i të gjitha etapave të zhvillimit me dinjitet, respekt, e dashuri ishin disa nga pikat kyçe të bashkëbisedimit.
Mostolerimi i dhunës në të gjitha format e saj, konceptet për barazinë gjinore, thyerja e tabuve për fuqizimin e figurës femërore ishin sërish tema të cilat u zhvilluan me lirshmëri dhe vendosmëri për të mësuar e për të ecur gjithmonë përpara.
Dëshirat e tyre rinore ndërthurur me iniciativen për të ndryshuar e për t`i mposhtur modelet e mëparshme të shoqërisë patriarkale, ishin serish pika të forta në bashkëbisedimin tonë.
Gjithashtu u diskutua për fuqizimin dhe plotësimin e individit, duke hedhur hapa të ngadaltë por të sigurtë drejt të ardhmes.
Këto takime kaq frytedhënëse për të gjithë ne, po zhvillohen në kuadër të projektit ‘Rrathët e Frymëzimit dhe Fuqizimit’, i cili mbështetet nga sponsori ynë gjeneral Raiffeisen.Invest.Shqiperi
#rrathetefrymezimitdhefuqizimit
#tedrejtatenjeriut #tedrejtategrave #fuqizim #edukim #informim #barazigjinore #dhunanefamilje #gratedhevajzat #zonatrurale #acfdalbania
![](https://acfd.org.al/wp-content/uploads/2023/07/01-01-4-1024x1024.png)
![](https://acfd.org.al/wp-content/uploads/2023/07/02-01-3-1024x1024.png)
![](https://acfd.org.al/wp-content/uploads/2023/07/03-01-3-1024x1024.png)